تو 10 مئی کے بعد ہر اتوار کو پٹرول پمپ بند!

تیل کمپنیوں کی مسلسل اندیکھی سے ناراض كنسورٹيم آف انڈین پٹرولیم ڈیلرس (سی آئی پی ڈی نے دھمکی دی ہے کہ اگر ان کی مانگیں نہیں مانی گئیں تو 10 مئی کے بعد ہر اتوار کو پٹرول پمپ بند رکھیں گے۔ اتنا ہی نہیں اگر تیل کمپنیوں نے اس کے بعد بھی سدھ نہیں لی تو پٹرول پمپوں کو رات میں بھی بند رکھا جائے گا۔ اس فیصلے کے نافذ ہونے کے بعد ملک بھر میں تقریبا 53 ہزار پٹرول پمپ پر صارفین کو صرف دن کے



وقت ہی پیٹرول اور ڈیزل مل سکے گا۔ اس سے تیل کی کھپت پر اثر پڑے گا اور ہر ماہ تیل کمپنیوں کو ہونے والے کروڑوں روپے کا منافع بھی متاثر ہوگا۔

یہ فیصلہ اتوار کو ہریانہ کے کروکشیتر میں منعقد سی آئی پی ڈی کی ایک میٹنگ میں لیا گیا۔ نومبر 2016 میں ممبئی اور مارچ 2017 میں دہلی میں تینوں تیل کمپنیوں کے حکام کے ساتھ ہوئی میٹنگ میں مسائل کا حل نکالنے پر سی آئی پی ڈی نے کروکشیتر میں میٹنگ بلائی تھی۔